"नसम्झ अब "

नसम्झ अब तिमी मलाई, अरु कसैको भइसकेपछि
पराई भयौ तिमी अब, डोली चडी गई सकेपछि ।

कसरी भुल्न सक्यौ तिमीले, खाएका ती वाचाहरु
पूरा गर्न नसके त, नखाएकै हुन्थ्यो बरु
सपना तिमीले धेरै देखायौ, सपना भीत्र म हराएँ
त्यही सपना झूटो हुदा, आफ्नो मनलाई दरो बनाएँ
सानो झिल्को त के हो र? आगोको ज्वाला नै सही सकेपछि
नसम्झ अब तिमी मलाई, अरु कसैको भइसकेपछि
पराई भयौ तिमी अब, डोली चडी गई सकेपछि ।

तिमीले त आफ्नो साथी पायौ, पलपलमा साथ दिने
मैले त अर्कै साथी पाएँ, पलपलमा मात दिने
तिमीले त ठूलो नाउँ पायौ, दुःख पिडाको नदी तर्ने
आफ्नो त अब कोही छैन, मरेपनि आँशु झार्ने
जलाई देऊ मेरा यादहरु, अतितहरू बिर्सिदिनु
अधिकार रहेन मेरो तिमीमा, तिमीलाई कसैले लई सकेपछि
पराई भयौ तिमी अब, डोली चडी गई सकेपछि
नसम्झ अब तिमी मलाई, अरु कसैको भई सकेपछि ॥