"किन लाए माया भन्थें"

किन उड्छ बादल भन्थें आकाशलाई छुन रैछ
किन लाए माया भन्थें जीवन भरलाई रुन रैछ ।

आफन्तले आफ्नै सम्झी मेरै हितको बात गर्दा
वास्ता नगरी कान थुनें आज यस्तो हुन रैछ
किन लाए माया भन्थें जीवन भरलाई रुन रैछ

सफा थियो दिल उसको चोखो थियो माया पनि
किन मैलीयो मन भन्थें आँशुले पो धुन रैछ
किन लाए माया भन्थें जीवन भरलाई रुन रैछ

हजार तारा चम्कने गर्छ आकाशमा झिलिमिली
किन हेर्दैन त्यता भन्थें मन परेको जून रैछ
किन लाए माया भन्थें जीवन भरलाई रुन रैछ

खाएका ती बाचाहरु सबै झूटो बनाएर
किन टाढा हुन्छौ भन्थें मनमा उसको बैगुन रैछ
किन लाए माया भन्थें जीवन भरलाई रुन रैछ ।